Rossiya prezidenti matbuot kotibi Dmitriy Peskovning ma'lum qilishicha, Moskva Venesuelani xotirjamlik hamda qonunchilikka rioya etishga chaqirmoqda. Bu haqda RIA «Novosti» xabar berdi.
U shu tariqa Kreml Venesueladagi vaziyatni qanday baholayotgani borasidagi savolga javob bergan. Ushbu mamlakatda muxolifat 3 avgust kuni ta'sis yig‘ilishiga saylovlardan so‘ng norozilik aksiyasini o‘tkazishni rejalashtirmoqda.
«Albatta, biz hammasi rasmiy, qonunga rioya etilgan holda o‘tishining tarafdorimiz. Barchani xotirjamlik, qonunlarga itoat etishga chaqiramiz», - deya ta'kidlab o‘tdi Peskov.
Avvalroq Kuba Venesuelaga qarshi xalqaro amaliyot boshlangani haqida ma'lum qilgandi.