Andijonda mahalla ma'muriyati va profilaktika inspektorlari uchun kollej binosida alohida xizmat xonalari tashkil etildi

Andijon shahridagi Iqtisodiyot kolleji binosida “Sarvontepa” mahallasi ma'muriyati hamda hudud profilaktika inspektori uchun xizmat xonalari berildi.                    

Viloyat o‘rta maxsus kasb-hunar ta'limi boshqarmasi tez fursatlarda ta'lim muassasasida har ikki tuzilma uchun  barcha qulayliklarga ega bo‘lgan maskan tashkil qildi.

Xizmat xonalarining ochilishi munosabati bilan o‘tkazilgan tadbirda jamoatchilik vakillari, mahalla nuroniylari ishtirok etdilar. 

- Yoshlar tarbiyasi jamiyatimizning eng dolzarb vazifalaridan biri,- deydi Sarvontepa mahallasi oqsoqoli Xamidullo Ataxanov. – Hududlardagi ta'lim muassasalari qoshida mahalla hamda ichki ishlar xodimlari bilan yoshlarimiz tarbiyasi, o‘qish sifati, davomatini yaxshilash uchun hamkorlikda ish olib borish uchun qulay sharoit yaratilmoqda.

Tadbir ishtirokchilar ish olib borish uchun maskanda yaratilgan shart-sharoitlar bilan tanishdilar.

Kun.uz muxbiri Elmurod Ermatov, Andijon