Qashqadaryo yo‘llari: mutasaddilar mazkur masala yuzasidan yo‘llangan murojaatlarga javob qaytarishdi

Avval xabar berilganidek, Kun.uz tahririyatining ijodiy jamoasi “Xalq bilan muloqot va inson manfaatlari yili” doirasida Qashqadaryo viloyatiga tashrif buyurdi. Viloyat aholisi tomonidan tahririyat elektron pochtasiga kelib tushgan murojaatlarning aksari o‘z o‘rnida o‘rganildi va shu asosda qator maqolalar ham e'lon qilindi. Shu bilan birga, ko‘p sonli murojaatlar Qashqadaryo viloyat hokimligiga ham taqdim etildi va ularga javob olindi. Jumladan, Yo‘l va transport xizmati yuzasidan ham.

Qashqadaryo viloyatining tumanlaridagi katta va ichki yo‘llar bilan bog‘liq murojaatlarga “O‘zavtodaryotrans” agentligi viloyat bo‘limi vakili M.Eshboboyev javob yo‘llagan.

Shuningdek, ushbu mashinalarning aksariyati soatiga 40-50 km tezlik bilan harakatlanadi. Bu esa fuqarolarning ko‘chalarda harakatlanishiga noqulayliklar hamda juda katta xavf tug‘dirmoqda. Eng asosiysi yosh bolalarga to‘la ko‘chalarimizdagi bu tashvishli holat, ularning ko‘chada o‘ynashlarini hisobga oladigan bo‘lsak, ota-onalarni tashvishga solmoqda. Darvoqe, bu borada allaqachon Qarshi shahar hokimligi va Avtomobil va daryo transporti agentligi Qashqadaryo viloyati bo‘limiga murojaat qilganmiz. Afsuski, biron-bir javob olganimiz yuq.

Yuqorida keltirilgan sabab va muammolarni inobatga olib, tahlil qilib, zarur amaliy chora-tadbirlar qo‘llashni so‘raymiz va kutib qolamiz.

Hurmat bilan “Oqtepa” mahallasining Yakkasaroy, Oydin ko‘chalarida istiqomat qiluvchi fuqarolari”.

Murojaat: “Assalomu alaykum. Men Qashqadaryo viloyati, Shahrisabz tumani, Xo‘jabog‘ qishlog‘ida yashayman. Qishlog‘imizning ba'zi ko‘chalari nomiga asfalt qilindi. Anchagina qismi esa, ayniqsa, qabristonga boradigan yo‘l qishda loy, yozda chang-to‘zon bo‘ladi. 2017 yil 14 fevraldagi “Yo‘l xo‘jaligini boshqarish tizimini yanada takomillashtirish chora-tadbirlari to‘g‘risida”gi O‘zbekiston Respublikasi Prezidenti farmonidan kelib chiqib tegishli chora ko‘rishingizga umid qilaman”.

Murojaat: “Salom. Qarshi tumanidagi To‘qmang‘it namunaviy uy-joy maskanida yashayman. Uyim yaqinidagi "Navo" choyxonasidan Koson tuman Obidida qishlog‘iga ketiladigan yo‘l juda yaroqsiz bo‘lib, avto va yuk mashinalari qatnovi vaqtida chang-to‘zon doimiy ravishda uyimizga yopiriladi. Yosh bolalar nafas olishga qiynalayapti. Shu yo‘lni (hech bo‘lmasa qassobxona oldidagi ko‘prikkacha) asfaltlashtirishni 2 yildan beri so‘rab kelyapmiz. Viloyat hokimligi yordam berib, muammoimiz yechilsa, massiv ahli juda xursand bo‘lardi”.

Hurmat bilan Elbek!

Tuman markaziy ko‘chalari jami 18,8 km bo‘lib, shundan 10 km yo‘l umumfoydalanuv yo‘liga va qolgan 8,8 km Kitob tuman obodonlashtirish boshqarmasi balansida turadi. Umumfoydalanuvga tegishli 10 km uzunlikdagi avtomobil yo‘li joriy yilning aprel-may oylarida yo‘l qoplamasida hosil bo‘lgan uydim-chuqur buzilishlar issiq asfaltbeton qorishmasi bilan (2516 m2 yuzaga 345 tn asfaltbeton qorishmasi) Kitob TYFUK tomonidan 138 mln so‘mlik ish bajarilib, ta'mirlab chiqildi. Shu yilning III choragida 4K303 "Kitob-Miraki" avtomobil yo‘lining 0-1 km qismini Respublika yo‘l jamg‘armasi mablag‘lari hisobidan to‘la ta'mirlash ishlarini bajarish rejalashtirilgan. Bu ishlar uchun 350,0 mln so‘m mablag‘ sarflanadi. Bundan tashqari, tuman Obodonlashtirish boshqarmasi buyurtmasi asosida Charmgar ko‘chasida 1 km uzunlikdagi yo‘l asfaltbeton qorishmasi bilan ta'mirlanadi (ajratilgan mablag‘ 137,0 million so‘m).

Murojaat: “Salom. Shahrisabz tumani qadimiy hamda turizm imkoniyati ulkan bo‘lgan hudud sifatida bugun yanada go‘zallashib bormoqda. Tumanda ko‘p miqdorda aholi istiqomat qiluvchi 102-umumiy o‘rta ta'lim maktabi atrofidagi ko‘p qavatli uylar joylashgan mitti tumandagi yo‘llar bugungi kunda turli davrlardagi ta'mirlash ishlari sababli sifatsiz ahvolga kelib qolgan. “Yangi bozor” qarshisida joylashgan ko‘chadan mitti tuman hududiga kirilganda ko‘zga tashlanadigan manzara, yo‘lning ahvoli shu yo‘ldan foydalanuvchi Tez tibbiy yordam bo‘limi mashinalari uchun noqulaylik tug‘diradi. Tuman hokimligi ushbu yo‘llar bilan shug‘ullansa maqsadga muvofiq bo‘lar edi”.

Tumandagi 102-maktabga olib boruvchi yo‘l 0,8 km.ni tashkil qilib, tuman hokimligi Obodonlashtirish boshqarmasi balansida turadi. Avtomobil yo‘li asfaltbeton qoplamali yo‘l bo‘lib, oxirgi yillarda doimiy qarov ishlari olib borilmaganligi sababli yo‘l qoplamasida har-xil hajmdagi buzilishlar hosil bo‘lgan. Avtomobil yo‘li Shahrisabz tuman hokimligi Obodonlashtirish boshqarmasi tomonidan manzilli dasturga kiritilib, loyiha smeta hujjatlari shakllantirilganidan so‘ng, yo‘l qurilish tashkilotlari tomonidan qurilish-ta'mirlash ishlari amalga oshiriladi.

Murojaat: “Salom. Qarshi-Muborak yo‘lining Qoraqum-Muborak qismi juda notekis ahvolda. Bu yo‘llar qachon qoniqarli holatda bo‘ladi?”.

Qoraqum-Muborak yo‘li umumfoydalanuv avtomobil yo‘llariga mansub bo‘lib mahalliy ahamiyatdagi yo‘llar toifasiga kiradi (4N292v "Qoraqum-Xitoy" avtomobil yo‘li). Uzunligi 7 km.ni tashkil qiladi. 2017 yil aprel-may oylarida Muborak TYFUK tomonidan joriy ta'mirlash mablag‘lari hisobidan yo‘l qoplamasida hosil bo‘lgan chuqursimon buzilishlar (522 m2 joyga 61 tonna asfaltbeton qorishmasi bilan) chuqurchalar yamab chiqilib, ushbu ishlarga 25 mln. so‘m mablag‘ sarflandi. 2017 yil III chorakda joriy ta'mirlash ishlari hisobidan ushbu yo‘lga 120 tonna asfaltbeton yotqizish yoki 50 mln so‘mlik ta'mirlash ishlari rejalashtirilgan.

Murojaat: “Assalomu alaykum. Qarshi shahri yo‘llaridagi muammolar qachon hal etiladi? Yo‘l qaytadan ta'mirlanadi, bir necha oy o‘tgach yana kavlab, quvurlar o‘tkaziladi, yangi turar joylar qurilayotgan uylarning orqa tarafdagi yo‘llari umuman mashinalar yurib bo‘lmaydigan darajada chuqurlari ko‘p. Bundan tashqari, katta mashinalar haddan ziyod ko‘p kirib chiqishadi.

Yana bir savolim yangi qurilgan uylarning orqasi judayam chang, shamol ko‘tarilganda shu yerda yashovchi barcha uylarga boradi bu changlar, shamol ko‘tarilganda piyoda yurib ham bo‘lmay qoladi. Bizda Qashqadaryo daryosi bo‘lsa, har tong mashina yo‘llariga va qurilishi tugallanmagan va chang haddan ziyod ko‘p ko‘chalarga suv sepishning iloji bor-ku, nega shu ish qilinmaydi? Har tong ertalab suv sepilishini qurilish joylardagi yo‘llarni va chang bartaraf etishni barcha istaydi”.

O‘zbekiston Respublikasi Prezidentining 2013 yil 25 iyuldagi 2010-sonli qarori asosida O‘zbekiston ko‘chasining 0-8 km qismini to‘la ta'mirlash belgilangan bo‘lib, (loyiha-smeta bahosi 38,0 mlrd so‘m) 2014-2016 yillar davomida viloyat hokimligi YaBX injinering Kompaniyasi buyurtmachiligida Koson TYFUK tomonidan 20,0 mlrd so‘mlik ta'mirlash ishlari bajarilgan. Piyodalar yo‘lakchasi, yoritish tarmoqlari, avtobekatlar, suv qochirish lotoklari to‘liq qurilgan. 2017 yilning o‘tgan davrida obektda 1,3 mlrd so‘mlik qurilish ishlari bajarilgan. Obektda qoldiq ish hajmlari asosan yuqori qatlam qoplama qurish ishlarini tashkil etadi.

Murojaat: “Assalomu alaykum. Qarshi shahri “Qarlubog‘ot” mahallasi J.Manguberdi, Elbek, Zardo‘zlik va boshqa ko‘chalar ko‘p yillardan buyon asfalt qilinmagan. Bor asfalt ham yangi, ko‘p qavatli uylar qurilishidan so‘ng vayron bo‘lgan. Bu haqida MFY raisiga va mahalliy hokimiyatga aytishning kami qolmadi. Kuz, qish, bahorda loy, yozda chang! Sizlardan iltimos, ijobiy yordam berishlaringizni mahalla ahli nomidan so‘raymiz”.

Avtomobil yo‘li Qarshi shahar hokimligi Obodonlashtirish boshqarmasi tomonidan manzilli dasturga kiritilib, qurilish-ta'mirlash ishlari olib borilishi mo‘ljallangan.

Murojaat: “Salom. Men Complete Universal Service oilaviy korxona rahbari Shuhrat Qurbonov Temirovichman. Biz korxona ehtiyoji uchun pul ko‘chirish yo‘li bilan ikki dona 2017 yilda ishlab chiqarilgan “Damas” avtomobilini xarid qildik. Korxonamiz xizmati bilan O‘zbekiston ko‘chasidan taxminan kuniga 3-4 marotaba yurishga to‘g‘ri keladi. “Damas” avtomobilimizni orqa o‘rindig‘ini ham yechib tashlaganmiz. Shunday bo‘lsa ham Qarshi shahar O‘zbekiston ko‘chasida “Damas” avtomobilini yurishiga DAN xodimlari ruxsat yo‘qligini tushuntirib harakatlangani qo‘yishmayabdi. Bizning maqsadimiz yo‘lovchi tashish emas, balki texnik ta'mirga muhtoj avtomobillarga xizmat ko‘rsatish. Shu masala yuzasidan bizga amaliy yordam bering. Qarshi shahar O‘zbekiston ko‘chasida joylashgan Milliy bankiga, Birja savdolariga va mijozlarga sifatli xizmat ko‘rsatish uchun korxonamiz “Damas” avtomobilini erkin yurishiga ruxsat berishlari masalasini hal etib bering. Oldindan rahmat”.

Shu munosabat bilan “Damas” avtomobiliga 1-sonli yo‘nalishga ruxsat berish murojaati rad etildi.

Murojaat: “Salom. Men Qarshi tumani, Qovchin MFYda istiqomat qilaman. Bizni anchadan buyon qiynab keladigan muammo bor. Bu mahalla ichidan o‘tgan yo‘l, ya'ni Adolat (eski nomi G‘.G‘ulom) ko‘chasi. Bu ko‘chaning hozirgi holati juda achinarli ko‘rinishga kelib qolgan. Eng achinarlisi, bu ko‘chaning markaziy qismida maktab va maktabgacha ta'lim muassasasi joylashgan. Maktab va maktabgacha ta'lim muassasasiga qish oylari bolajonlar juda qiynalib yetib olishmoqda. Shu masalani mutasaddi rahbarlar bilan yechishda yordam bersangiz! Mahallamiz nomidan rahmat aytib, sizlarga omad tilab qoluvchi Geldiyev Mansur”.

Qarshi tumani Qovchin MFY eski G‘ofur G‘ulom ko‘chasining uzunligi 700 metr, eni 5 metr, tuproqli loy ko‘cha. Qarshi tuman Obodonlashtirish boshqarmasi balansidagi ichki xo‘jalik yo‘li hisoblanadi. Qarshi tuman hokimligi Obodonlashtirish boshqarmasi tomonidan 2018 yil manzilli dasturiga kiritish va qurilish-ta'mirlash ishlarini bajarish choralari ko‘rilmoqda.

Dehqonobod tumani “Obod” MFY Sho‘rguzar qishlog‘ida deyarli 10 yildan buyon qishloq aholisi avtomobil harakati uchun Katta O‘radaryo (G‘uzordaryo)da ko‘prik qurib berilishi bo‘yicha murojaat qilishadi, lekin murojaatlar aniq javobini olmagan. Qishloq hududida asfalt yo‘llar uzunligi 0 km. Bu degani asfalt degan narsa umuman kirib bormagan deganidir. Qishloq o‘rtada daryo bilan ajralgan ikki qismdan iborat. Qishloqdagi 12-sonli o‘rta maktabga o‘quvchilar ko‘prik yo‘qligi sabab yomg‘ir, qorli kunlarda qatnay olishmaydi, chunki qishloq tog‘ oldi hududi bo‘lganligi sababli sel kelish xavfi doim mavjud. Qishloq aholisi asosiy magistral (asfalt) yo‘lga chiqish uchun piyoda 3-4 km.lab masofada loyli ko‘chani bosib o‘tishadi. Agar qishloqning ikki qismini bog‘lovchi ko‘prik qurilsa va asfalt yotqizilsa, undan keyingi qishloq transportlari ham aylanma yo‘ldan emas qishloq hududi orqali o‘tgan bo‘lar edi. Natijada qishloqning transport tizimi ham izga tushgan bo‘lardi.

Muhimi, o‘rta maktab va kollej o‘quvchilarining dars jarayoniga bexavotir qatnashi ta'minlanar edi. Oldin ham qishloqda asfalt yotqizilishi va ko‘prik qurilishi bo‘yicha ko‘plab murojaatlar qilingan, ammo natijasi bo‘lmagan. Mana shu masalani ijobiy hal etib berilishini so‘rab qolaman”.

 

Shohko‘chadan mahallaga: Qarshida qatnovchi "Damas"lar taqdiri qanday hal etiladi? (video)