BMT bosh kotibi Antoniu Guterrish Koreya yarimorolidagi inqirozni hal qilishda Pxenyan bilan muzokaralarda vositachi bo‘lishga tayyorligini bildirdi. Bu haqda Reuters axborot agentligi xabar bermoqda.
Guterrishning ta'kidlashicha, Shimoliy Koreyaga nisbatan “bahslashishni kamaytirish va diplomatiyani kuchaytirish” vaqti kelganini ta'kidlab o‘tdi. U vositachi bo‘lishga tayyorligi haqida Rossiya, Yaponiya, AQSh, Xitoy va Janubiy Koreyani xabardor qilganini ma'lum qilgan.
“Men doim yordamga tayyorman, men bu haqda kecha olti tomonlama muzokaralar vakillarini ham xabardor qildim. Bu inqirozning yechimi siyosiy bo‘lishi kerak. Harbiy harakatlarning ehtimoliy oqibatlari haqida o‘ylashning o‘zi dahshat”, deb aytgan Guterrish.
