Xitoy: KXDR bilan bog‘liq masalada “avgust inqirozi” hali ham davom etmoqda 

Xitoy tashqi ishlar vaziri Van Ining ma'lum qilishicha, KXDR atrofidagi keskinlik asta-sekin pasaymoqda, biroq inqirozdan hali o‘tilganicha yo‘q. Bu haqda XXR TIV rasmiy saytida xabar berildi.

Ta'kidlanishicha, Van I Germaniya tashqi ishlar vaziri Zigmar Gabriel bilan Koreya yarim orolidagi vaziyatni telefon orqali muhokama etgan.

“Barcha tomonlarning sa'y-harakatlari tufayli Koreya yarim orolidagi keskinlik asta-sekin pasaymoqda, biroq “avgust inqirozi”dan hali o‘tilmadi, tomonlar uni yakunlash bo‘yicha qo‘shma harakatlarni amalga oshirishi lozim”, - deya ma'lum qildi Xitoy TIV rahbari.

Avvalroq KXDR AQSh bilan qamoqda saqlanayotgan amerikaliklarni muhokama etishdan bosh tortgandi.