Finlyandiyada bir necha kishi odamlarga pichoq bilan hujum qildi

Finlyandiyaning Turku shahrida ko‘chada odamlarga pichoq bilan hujum qilinishi oqibatida bir kishi halok bo‘ldi, 2 kishi yaralandi. Jabrlanganlar haqidagi ma'lumot aniqlashtirilmoqda.  

Ma'lum qilinishicha, bir necha kishi shahar markazida odamlarga pichoq bilan hujum qilgan. Yle nashri ma'lumotlariga ko‘ra, ulardan birining oyog‘idan yaralantirishga va hibsga olishga muvaffaq bo‘lingan. Politsiya shaharning Puutori va Kauppatori maydonlarida maxsus operatsiyani davom ettirmoqda.

Guvohlarning aytishicha, bu hududda o‘q ovozlari eshitilgan va pichoq bilan hujumlar amalga oshirilgani qayd qilingan.

OAVning ta'kidlashicha, bir necha kishi Turku ko‘chalari bo‘ylab pichoqlar bilan yugurib yurgan. Hozirda gumonlanuvchilar qidirilmoqda. Odamlarga ko‘chaga chiqmaslik tavsiya qilingan.

Politsiya vokzallarda va Xelsinki aeroportida xavfsizlik choralarini kuchaytirgan.