Neymar «Barselona»dan ketdi, ammo u tufayli klubda mojaro davom etmoqda

«Barselona» futbolchilari va murabbiylari 23 avgust kungi mashg‘ulotlardan keyin Kataloniya poytaxti yaqinidagi Gava kurortidagi restoranlardan birida yig‘ilib tushlik qilishgan.

Ushbu yig‘ilish «Barselona» futbolchilari Neymar bilan tushgan suratlarini ijtimoiy tarmoqqa joylaganidan keyin tanqidga uchragach, bo‘lib o‘tdi. Ular bu orqali klub rahbariyatining tanqidiga norozilik bildirishgan.

Ayni vaqtda «PSJ»ga yo‘l olgan Neymar va «Barselona» o‘rtasida mojaro kelib chiqqan.

«Barselona» Neymarni tuzilgan shartnomada ko‘rsatilgan bandlarni bajarmagani uchun uni sudga bergan va 8,5 mln yevro talab qilgandi.

Bunga javoban futbolchi klubni sudga berdi, bunga sobiq klubi 2016 yilgi shartnomani bajarishi bo‘yicha va'da qilingan bonuslarni to‘lamagani sabab bo‘lmoqda.

Shanba kuni «Barselona» Ispaniya chempionatining 2-turida «Alaves»ga qarshi safar o‘yinida maydonga tushadi.