Rossiya TIV: Suriyada terrorchilar kimyoviy quroldan foydalanishi mumkin

Rossiya TIV rasmiy vakili Mariya Zaxarovaning ma'lum qilishicha, Suriyada «Shabob as-Sunna» qurollangan guruhi kimyoviy quroldan foydalanishi mumkin va buni amalga oshirmoqchi. Bu haqda RIA «Novosti» xabar bermoqda.

«Xavotirli ma'lumot kelib tushmoqda. Rossiya tomonida bor bo‘lgan ma'lumotlarga ko‘ra, «Shabob as-Sunna» qurollangan guruhi kimyoviy quroldan foydalanishi mumkin», - dedi u.

Zaxarovaning ta'kidlashicha, Dera viloyatida terrorchilarning qurol-aslaha omborida zaharlovchi moddaga ega bir necha raketalar bor, ulardan aholi punktlaridan birida foydalanish rejalashtirilgan.

Avvalroq Suriya muxolifati AQSh vositachilar orqali IShIDga qurol sotayotgani haqida ma'lum qilgandi.