Eng ko‘p tinglanayotgan xitning kaver-versiyasi kalkulyatorda ijro etildi (video)

Yaponiyalik kishi puerto-rikolik xonanda Luis Fonsining "Despacito" qo‘shig‘ining kaver-versiyasini yaratdi. Rolik YouTube'ning "It's a small world" kanali orqali taqdim etildi. 

Videoda yaponiyalik kishi "Despacito" va britaniyalik qo‘shiqchi Ed Shiranning mashhur "Shape Of You" qo‘shig‘i musiqasini ikki AR7778 kalkulyatoriga navbatma-navbat bosib ijro etadi. Rolik izohlarida muallif "musiqiy asboblar" Xitoyda ishlangani va ular internet orqali xarid qilinganini ta'kidlagan.

Videoyozuv to‘rt kunda 200 mingdan ko‘p marta ko‘rildi. 

Avgust oyida Despacito qo‘shig‘i uchun olingan klip YouTube tarixidagi eng mashhur klip sifatida e'tirof etilgandi: bugungi kunga qadar ushbu klip 3,5 milliard martadan ko‘p tomosha qilingan. Bundan avvalgi rekord amerikalik reper Wiz Khalifa'ning videoklipiga tegishli. Unga qadar Gangnam Style xiti bilan tanilgan Psy besh yil davomida yetakchilikni qo‘ldan boy bermagan.