AQShning Rossiyaga nisbatan siyosati «olov bilan o‘ynashish» deb aytildi

Rossiya Federatsiyalar Kengashi spikeri Valentina Matviyenkoning fikricha, Vashingtonning Moskvaga nisbatan hozirgi siyosati – bu «olov bilan o‘ynashish».

«G‘arb davlatlari tomonidan bizning mamlakatga nisbatan olib borilayotgan dushmanlik kayfiyatidagi siyosat kuchaymoqda. Iqtisodiy sanksiyalar, axborot urushi, xalqaro munosabatlardagi keskinlik, NATOning harbiy faolligi – bularning baridan foydalanilmoqda», - deya ma'lum qildi Matviyenko «Parlamentskaya gazeta»ga bergan intervyusida.

Uning so‘zlariga ko‘ra, hattoki Karib inqirozi vaqtida ham Vashington hozirgi paytda Rossiyaga nisbatan diplomatik sohada qo‘llayotgan harakatlardan o‘zini tiygan.

«Bu olov bilan o‘ynashish. Gap eng katta raketa-yadro arsenali va eng kuchli qurolli kuchlarga ega davlatlar o‘rtasidagi ixtilof haqida bormoqda», - deya ta'kidlab o‘tdi siyosatchi.

Shuningdek, Matviyenkoning fikricha, xalqaro hamjamiyat, jumladan Yevropa davlatlarining sust harakatlari kishini hayratga soladi.

Avvalroq BMT bosh kotibi Rossiya va AQSh munosabatlarining yomonlashuvidan butun dunyo aziyat chekishi haqida ma'lum qilgandi.