Tojik-afg‘on chegarasida narkokurerlar yo‘q qilindi

Tojikiston-Afg‘oniston chegarasida o‘tgan dam olish kunlari ikki nafar qurollangan narkokurer yo‘q qilindi, 64 kilogramm giyohvandlik moddalari olib qo‘yildi. Bu haqda RIA Novosti Tojikiston Milliy xavfsizlik davlat qo‘mitasining chegara qo‘shinlari boshqarmasi matbuot xizmati rahbari Muhammad Ulug‘xo‘jayevga asosan xabar bermoqda.

Qayd etilishicha, birinchi to‘qnashuvda jinoyatchilardan biri yo‘q qilingan, qolganlar esa (kamida uch kishi) yashiringan. Voqea joyi ko‘zdan kechirilganda, 50 kilogramm kannabis, bitta Kalashnikov avtomati, unga beshta o‘qdon, 81 ta patron va ikkita F-1 granatasi topilgan. 

Qurollangan jinoyatchilar bilan ikkinchi to‘qnashuv paytida ham bir shaxs yo‘q qilingan, qolganlar Afg‘oniston hududida yashiringan. Bu yerdan 13 kilogramm opium, bir kilogramm nasha, bitta Kalashnikov avtomati, unga beshta o‘qdon, 132 patron topilgan.