Toshkentdagi Turin politexnika universiteti Xivada xalqaro anjuman tashkil etmoqda

Toshkent shahridagi Turin politexnika universiteti Urganch Davlat Universiteti va Xorazm Ma'mun Akademiyasi bilan hamkorlikda 2017 yilning 20-28 sentabr kunlari Xiva shahrida “Kondensatsiyalangan muhitlar fizikasida yangi yutuqlar: Kvant transporti, topologik effektlar va pastki me'yorlardagi tizimlarda energiyaning o‘zgarishi” mavzusida xalqaro anjuman tashkil etmoqda.

Anjuman kondensatsiyalangan muhitlar fizikasi, funksional materiallar, kvant texnologiyalarning eng muhim yo‘nalishlarini qamrab oladi.

Tadbir ishida 20dan ortiq davlatdan taklif etilgan 42 ekspert ishtirok etadi, shuningdek, O‘zbekistondan 70dan ko‘proq yosh olimlar va professorlar, talabalar qatnashadi.