Xitoylik kemasozlar bor-yo‘g‘i 8 yil ichida 83 ta harbiy kemani qurib, sinovdan o‘tkazib, foydalanishga topshirishga muvaffaq bo‘ldilar, deb xabar bermoqda The Print. Mutaxassislarning prognozlaricha, 2025 yilga kelib Xitoy an'anaviy yetakchi – AQSh harbiy-dengiz kuchlarini ortda qoldirib, dunyodagi eng katta harbiy-dengiz kuchlariga ega bo‘ladi.
Xorijiy mutaxassislarning fikricha, xitoylik kemasozlar bunday sur'atlarga mehnatni tashkil qilishning yuqori madaniyati evaziga erishganlar. Harbiy-dengiz floti sohasidagi mutaxassis Vinayak Bxatning ta'kidlashicha, xitoylik ishlab chiqaruvchilarda "bayram" degan so‘z yo‘q. Harbiy kemalarni quruvchi barcha verflar 8 soatdan 3 smenada ishlaydilar.
Bxatning aytishicha, kemasozlik zavodlariga monand sur'atda konstruktorlik byurolari ham ishlaydi. Ularning mutaxassislari mavjud kemalarni takomillashtirish va yangi harbiy kemalarni yaratish ustida uzukun tinmay mehnat qiladilar.
Mutaxassisning aytishicha, JNCX kemasozlik verfining o‘zida 2016 yil dekabrda bir vaqtning o‘zida 16 ta kema qurilgan va modernizatsiya qilingan. Mutaxassislarning ta'kidlashlaricha, xitoylik kemasozlar tomondan ishlab chiqarishning yuqori sur'atlari kamida yaqin 30 yil davomida saqlanib qoladi.
