02:36 / 20.09.2017
14952

Shavkat Mirziyoyev BMT faoliyatini yaxshilash uchun XK a'zolar safini kengaytirishni taklif qildi

19 sentabr kuni Nyu-York shahridagi BMT Bosh qarorgohida o‘z ishini boshlangan Bosh Assambleya 72 sessiyasida nutq so‘zlagan O‘zbekiston Respublikasi Prezident Shavkat Mirziyoyev BMT minbarida ilk bor chiqish qildi.

Unda mamlakat rahbari o‘z so‘zlarini O‘zbekistonni rivojlantirishning beshta ustuvor yo‘nalishi bo‘yicha Harakat strategiyasi, "Xalq bilan muloqot va Inson manfaatlari" yilida qabul qilingan davlat dasturi haqida ma'lumotlarni keltirish bilan boshladi.

Shavkat Mirziyoyev o‘z nutqida aholini ijtimoiy himoya qilish, inson huquqlarini himoya qilish, bola mehnatidan foydalanmaslik, shuningdek, davlat organlarining xalqqa xizmat qilishi haqida o‘z fikrini bayon etdi.  

"Xalq boy bo‘lsa, davlat ham boy bo‘ladi. Sentyabr oyida barcha tijorat banklarda milliy valyutaning erkin konvertatsiya amaliyotiga o‘tishi ta'minlandi, mamlakatda ilk bor biznes-ombudsman lavozimi joriy etildi”, deydi prezident.

O‘zbekiston rahbari BMT faoliyatiga to‘xtalib o‘tar ekan, uning kelgusida barqaror ish olib borishi uchun Xavfsizlik Kengashiga a'zo davlatlar sonini oshirishni taklif qildi.

Top