Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Афғонистонда навбатдаги портлаш, хавфсизлик хизмати ходимлари ҳалок бўлди
13:52 / 28.09.2017
6922
Фото: Algérie24‏

Афғонистон жанубидаги Қандаҳор вилоятида маҳаллий полиция бўлимига яқин ерда автомобилнинг портлатилиши оқибатида хавфсизлик кучларининг камида 12 ходими ҳалок бўлди, яна тўрт нафари яраланди. Бу ҳақда Pajhvok агентлиги хабар берган.

Вилоят ҳуқуқ-тартибот идоралари вакилининг агентликка маълум қилишича, худкуш-террорчи ҳужуми чоршанба куни кечқурун содир бўлган.

Ҳужум учун масъулиятни «Толибон» радикал ҳаракати жангарилари ўз зиммаларига олишди.

Сўнгги пайтларда Афғонистоннинг шарқий ва жанубий вилоятларида экстремистларнинг позициялари сезиларли даражада кучайди. Шу билан бирга, «Толибон»нинг қўмондонлари ва жангарилари тобора ИШИД террорчилик гуруҳига содиқлик билдиришмоқда.


Улашинг
Top