Tanishiga tig‘li jism bilan shikast yetkazgan ayolga nisbatan jinoiy ish qo‘zg‘atildi

2017 yilning 25 sentabr kuni taxminan soat 03:00larda R.U. Chilonzor tumani hududida fuqaro Ya.R. bilan o‘rtalarida kelib chiqqan janjal oqibatida, unga o‘tkir tig‘li jism bilan tan jarohati yetkazgan. Bu haqda poytaxt IIBB xabar berdi.

Natijada Ya.R. "ko‘krak qafasi chap yarim tomoniga teshib kirmagan sanchib-kesilgan jarohati" tashxisi bilan Respublika shoshilinch tibbiy yordam ilmiy markaziga olib borilgan. 

Mazkur holat yuzasidan Chilonzor tumani IIB huzuridagi Tergov bo‘limi tomonidan JKning 109-moddasi 2-qismi (sog‘liqni qisqa muddatga buzilishiga olib kelgan qasddan badanga yengil shikast yetkazish) alomatlari bilan jinoyat ishi qo‘zg‘atilgan. 

Hozirda dastlabki tergov harakatlari davom ettirilmoqda.