“Biznes Ombudsman” Samarqand viloyatidagi tadbirkorlar bilan uchrashdi

Mamlakatimizda tadbirkorlik sub'yektlarining huquqlari va qonuniy manfaatlarini himoya qilish kafolatlarini kuchaytirish maqsadida Prezidentimizning Farmoniga asosan O‘zbekiston Respublikasi Prezidenti huzuridagi Tadbirkorlik sub'yektlarining huquqlari va qonuniy manfaatlarini himoya qilish bo‘yicha vakili instituti ta'sis etilib, vakilning vazifa va vakolatlari aniq belgilab berildi.

Mazkur vazifalarni amalga oshirish maqsadida joriy yilning 25-27 sentabr kunlari O‘zbekiston Respublikasi Prezidenti huzuridagi Tadbirkorlik sub'yektlarining huquqlari va qonuniy manfaatlarini himoya qilish bo‘yicha vakili Dilmurod Sultanmuratovich Kasimov Samarqand viloyatidagi tadbirkorlar bilan uchrashuvlar o‘tkazdi. 
Mazkur uchrashuvlarda asosan ayrim sabablarga ko‘ra foliyatini to‘xtatgan hamda faoliyat yuritishi davomida ma'lum muammolarga duch kelayotgan hamda yordamga muxtoj tadbirkorlar bilan muloqot o‘tkazildi.
Uchrashuvlarda ishtirok etgan tadbirkorlar o‘zlarini qiziqtirgan savollarga tushuntirishlar oldilar, aksariyat murojaatlar uchrashuvning o‘zida hal etildi.