6 oktabrda Hindiston harbiy-havo kuchlarining Mi-17 harbiy vertolyoti qulashi oqibatida 7 kishi halok bo‘ldi.
Halokat ertalab Tavang shahri (Arunachal-Pradesh shtati) atrofida yuz bergan, deb yozmoqda Hindustan Times. Vertolyotda harbiy-havo kuchlari va quruqlikdagi qo‘shinlarning harbiylari bo‘lgan. Vertolyot mamlakatning shimoli-sharqida Xitoy bilan chegaradagi hududni nazorat qilgan.
Halokat sabablari aniqlashtirilmoqda.
Mi-17 V5 Rossiyada ishlab chiqarilgan harbiy-transport vertolyoti hisoblanadi.