Xitoydagi tashlandiq konda 5 yulduzli antiqa mehmonxona ochiladi

Xitoyning Tszyansu viloyatidagi She tog‘i etagida, chuqurligi 80 metr va diametri bir kilometr keladigan tashlandiq konlardan birida 2018 yil may oyida 5 yulduzli mehmonxona ochilishi rejalashtirilmoqda.  

Mehmonxonaning balandligi 74 metrni tashkil qiladi. Uning anjumanlar zali, foyesi va ko‘ngilochar markaz joylashadigan 3 qavati yer sirtidan yuqorida bo‘ladi.

Kon tubida sun'iy ko‘l yaratilgan bo‘lib, unda nasoslar yordamida 5 metrlik chuqurlikdagi suv sathi ta'minlanib turiladi. Ko‘l ustida kon yonbag‘rida mehmonxonaning yana 14 ta qavati quriladi. Har bir xona o‘zining tomosha maydonchasiga ega bo‘ladi.