07:44 / 19.10.2017
8960

Kataloniya Ispaniya uning muxtoriyatini to‘xtatsa, mustaqillik e'lon qilishini aytdi

Foto: RIA Novosti / Xaver Luengo

Kataloniya hukumati rasmiy Madrid konstitutsiyaning Kataloniya muxtoriyatini to‘xtatish imkonini ko‘zda tutuvchi 155-moddasini qo‘llasa, o‘z mustaqilligini e'lon qilishini ma'lum qildi. Bu haqda El Mundo nashri o‘z manbalariga iqtibos keltirgan holda xabar bermoqda. 

Nashr bunda Kataloniya Yevropa demokratik partiyasi bosh koordinatori Marta Paskalning so‘zlarini keltirib o‘tdi. Paskalning aytishicha, "agar konstitutsiyaning 155-moddasi qo‘llansa, Kataloniya 1-O mandatini (1 oktabrdagi referendum natijalariga ko‘ra mustaqillikni e'lon qilish mandati) bajarishga tayyor". 

Nashrning ta'kidlashicha, Kataloniya hukumati Ispaniya hukumati qanday qadamlar amalga oshirishini kuzatib boradi. 

Ma'lum qilinishicha, keyingi haftada, ehtimol dushanba yoki seshanbada Kataloniya mustaqilligi e'lon qilingani haqida xabarlar paydo bo‘lishi mumkin. Mustaqillik e'lon qilinishi esa ko‘p jihatdan Ispaniyaning 155-moddani faollashtirish rejasiga bog‘liq bo‘ladi. 

Ispaniya hukumati Kataloniya jyeneralitetidan (parlamenti) mustaqillik e'lon qilingani yoki yo‘qligi borasida aniq javob berishni talab qilmoqda.

Mavzu
Kataloniyada mustaqillik referendumi

Ispaniyaning shimoliy-sharqiy hududida, Kataloniya avtonomiyasida, istiqomat qiluvchi aholi 1 oktabr katalonlarning mustaqillik masalasini hal etish uchun ko‘chaga chiqdi. Rasmiy Madrid ushbu harakatni yo‘qqa chiqarish maqsadida mahalliy politsiya kuchidan foydalanmoqda.

Barchasi
Mavzuga oid
Top