Raqiblari adashib boshqa tomonga yugurib ketgan sportchi Venetsiya marafoni g‘olibi bo‘ldi

Eritreyadan chiqqan italiyalik sportchi Ayub Jyebreyeue 22 oktabr kuni bo‘lib o‘tgan Venetsiya marafoni g‘olibi bo‘ldi. U 1995 yildan buyon ushbu marafonda g‘olib bo‘lishga muvaffaq bo‘lgan birinchi italiyalik sportchidir.

Masofaning o‘rtasiga borib yetti sportchidan iborat guruh hosil bo‘lib, ular yaqin oradagi raqiblaridan (shu jumladan Jyebreyeuedan ham) ajralib qolishdi. Biroq yetakchilarga yo‘l ko‘rsatib borayotgan mototsikl boshqa joyga qayrilib, ularni o‘z orqasidan ergashtirib ketdi. 

Natijada tarkibida Jyebreyeue bo‘lgan ishtirokchilar guruhi oldinga chiqib oldi - bundan avvalgi yetakchilar masofaga 25-kilometrda qaytishdi, biroq bu vaqtga kelib ular bir daqiqaga ortda qolishayotgan edi.

Italiyalik sportchi 2:12:16 natija bilan marraga birinchi bo‘lib yetib keldi. Bu uning karerasidagi ilk g‘alabasi bo‘ldi. Finalga ikkinchi bo‘lib eritreylik sportchi Muhammad Muso yetib keldi, uning vaqt ko‘rsatkichi — 2:15:14.