Xitoyda madhiyaga hurmatsizlik uchun ozodlikdan mahrum qilish chorasi ko‘rib chiqilmoqda

Butun Xitoy xalq vakillarining doimiy qo‘mitasi (BXXV DQ Xitoyning qonunchilik organi) Jinoiy kodeksga davlat madhiyasiga nisbatan hurmatsizlik uchun jinoiy jazo qo‘llashni ko‘zda tutuvchi tuzatish kiritishni muhokama qilmoqda. "Sinxua" agentligi shu haqida xabar berdi. 

Tuzatish loyihasi ikki oyda bir marta o‘tuvchi BXXV DQ sessiyasida ko‘rib chiqish uchun topshirildi. Yig‘ilish dushanba kuni boshlandi. 

Tuzatish loyihasi matniga ko‘ra, davlat madhiyasiga hurmatsizlik bildirgan kishilar 3 yilgacha ozodlikdan mahrum qilinishi mumkin.

Shuningdek qonun tomonidan madhiyaning yagona rasmiy versiyasi bo‘lishi kerakligi ko‘zda tutilmoqda. Faqat hukumat tomonidan tasdiqlangan tashkilotlargina uni yozish huquqiga ega bo‘ladi.