Suriya armiyasi va ittifoq kuchlari Dayr az-Zor ustidan to‘la nazorat o‘rnatdi, deya xabar bermoqda RIA Novosti suriyalik harbiy manbaga asosan.
Bugun hukumat kuchlari IShIDning so‘nggi tayanch nuqtasini yo‘q qilishgan.
Kecha Al-Rashidiya, Al-Ardi tumanlari va Al-Bajn, Abu-Aded mavzelarida janglar yuz berdi, bu yerlardagi jangarilar qarshilik ko‘rsatishgan.
Sentyabr oyining boshida Suriya armiyasi Dayr az-Zorning uch yillik blokadasini yorib o‘tdi hamda shaharning sharqiy tumanlariga hujum uyushtirdi. Janubi-g‘arbdagi strategik nuqtalardan terrorchilarni chiqarib tashlab, ular Firot daryosining g‘arbiy qismiga yetib borishdi.