Yaponiyada mushuk keksa ayolning o‘limida gumon qilinmoqda

Yaponiya politsiyasi Kumamoto prefekturasida yashagan 82 yoshli keksa ayolning o‘limida ko‘cha mushugini gumon qilmoqda, deb xabar bermoqda Japan Today nashri.

OAV ma'lumotlariga ko‘ra, ayolning jasadini uning qizi aniqlagan. Ayolning yuzida 20 ga yaqin, ancha botiq tirnalish izlari bo‘lgan.

“Biz uni topganimizda uning dahanidan yuqorisi qonga belangan bo‘lgan. Biz nima bo‘lganini bilmaymiz”, deb aytmoqda ayolning qizi.

Politsiya qotilni topish uchun tergov boshlagan. Politsiyachilar ayolga hujum qilingan vaqtda u yashagan uyga biror kishi kirgani yoki undan chiqqani alomatlarini aniqlashmagan.

So‘ngra ular jarohatlar mushuk panjalari izlarini eslatib yuborayotganiga e'tibor qaratishgan. OAVning ma'lum qilishicha, politsiya inson qoni izlari bo‘lgan mushukni topishga muvaffaq bo‘lgan. Qon namunasi tekshiruvga jo‘natilgan, biroq hozircha uning natijalari ma'lum qilinmagan.