Britaniyalik chempion Dubaydagi osmono‘par binoning vertolyot maydonchasida mashg‘ulot o‘tkazdi

O‘ta og‘ir vazn toifasida IBF, WBA, IBO versiyalari bo‘yicha jahon chempioni, britaniyalik bokschi Entoni Joshua Dubayda hordiq chiqarayotgan bo‘lsa-da, mashg‘ulotlarni kanda qilmayapti.

Bokschi Instagram’dagi sahifasida Dubaydagi osmono‘par binolardan biri – yelkan ko‘rinishidagi "Burj Al Arab Jumayra" mehmonxonasining vertolyot uchish-qo‘nish maydonchasida mashg‘ulot o‘tkazgani videosini joylashtirdi.