Angliyaning Devon grafligi Tiverton shahrida pichoq bilan qurollangan sotuvchi ayol o‘g‘rini qochib ketishga majbur qildi, deb yozadi Daily Mail.
Boshiga niqob kiyib olgan erkak do‘kon yopilishiga oz vaqt qolganida kelgan. U 36 yoshli Lorreyn Makkaliskiga pichoq bilan tahdid qilib, kassadagi pullarni berishni talab qilgan. Biroq u o‘zini yo‘qotib qo‘ymagan, aksincha baland ovozda baqirib, pichoqni silkitgan holda o‘g‘riga tashlangan.
«Men har doim shunga o‘xshash nimadir bo‘lishini sezib yurardim va “Ana ro‘y berdi”, deb o‘yladim, — deya hikoya qiladi sotuvchi. — Men: “pichog‘imni olishga ulguramanmi?”». Kichkina kantselyariya pichog‘i kassa apparati ostiga yashirib qo‘yilgan edi.
Bu voqea Makkaliskida go‘yo xayolida bo‘lgandek taassurot qoldirdi. «Agar u menga pichoq ushlab olgan qo‘lini cho‘zganida, menga zarba berish uchun yaqin edi. Ammo u pichoq ushlagan qo‘lini silkitdi, xolos», degan Makkaliski.