Buyuk Britaniya boş vaziri Kir Starmer atigi ikki yil muqaddam – 2024 yilda özining Leyboristlar partiyasini saylovda yirik ğalabaga boşlab kelgan edi. Öşanda u hukumat rahbarlarning ketma-ket va tez almaşişiga sabab bölgan Konservatorlar partiyasining köp yillik tartibsizliklariga barham berişni va’da qilgandi.

Endilikda uning özi ham iste’fosini e’lon qildi. Bu esa Britaniyada tez orada ön yil içida yettinçi boş vazir iş boşlaşini anglatadi. New York Times'ning yozişiça, uşbu «aylanma eşik» Brexitdan keyingi davrda Britaniya beqaror siyosatining öziga xos xususiyatiga aylanib qoldi.

Ayrimlar boş vazirlarning bu tarzda tez-tez almaştirilişini nodemokratik deb tanqid qilmoqda. Muxolifat siyosatçilari esa bunday vaziyatlardan köpinça yangi umumiy saylovlar ötkazişni talab qiliş uçun foydalanadi.

Ammo Britaniyaning parlamentar demokratiyasida boş vazirning özgarişi umumiy saylovlar ötkazilişini talab qilmaydi. Çunki britaniyalik saylovçilar boş vazirni emas, balki mamlakatni boşqariş uçun partiyani saylaydi. Aynan partiya rahbarlik kursisida kim ötirişini hal qiladi.

Naşr sönggi ön yillikda Downing street'dagi rahbarlarning tinimsiz almaşiş sur’atiga nazar taşladi.

2016 yil: Brexit ovozi Devid Kameronni hokimiyatdan ağdardi

2010 yildan 2016 yilgaça Britaniya boş vaziri bölgan Devid Kameron Konservatorlar partiyasi birligini saqlab qoliş uçun Yevropa Ittifoqidan çiqişi böyiça referendum e’lon qilgandi.

11
Foto: Britaniya hukumati portali

U Britaniyaning ittifoq tarkibida qolişi uçun taşviqot olib bordi. 2016 yil 23 iyunda kiçik farq bilan köpçilik ittifoqni tark etişni yoqlab ovoz bergaç, u iste’foga çiqiş rejalarini e’lon qildi.

2019 yil: Muvaffaqiyatsiz muzokaralar Tereza Meyning boşqaruviga çek qöydi