Erdo‘g‘an va Merkel Suriya hamda qochqinlar holatini muhokama qilishdi 

Turkiya prezidenti Rajab Toyyib Erdo‘g‘an va Germaniya kansleri Angela Merkel o‘rtasida telefon muloqoti bo‘lib o‘tdi. 

Muloqot davomida ikki tomonlama munosabatlar bilan bir qatorda Yaqin Sharqdagi vaziyat, jumladan Suriyadagi ixtilofni hal qilish bo‘yicha qadamlar muhokama qilindi.

Erdo‘g‘an Rossiya va Eron prezidentlari bilan birga 22 noyabrda Sochida o‘tgan uchrashuvi natijalaridan Merkelni xabardor qildi.

O‘z navbatida Merkel Yevropa Ittifoqi tomondan suriyalik qochqinlarni qo‘llab-quvvatlash uchun Turkiyaga va'da qilingan mablag‘lar o‘tkazib berilishini tezlashtirishga va'da berdi.