Kuvayt amiri Eronni aybladi

Eron xalqaro huquq asoslarini buzmoqda, deb aytdi Kuvayt amiri Saboh al Ahmad Al Jabbor As Saboh Fors ko‘rfazi arab davlatlari hamkorlik sammiti ochilishida.

“Eron hamon o‘zini mintaqada xalqaro huquqni tartibga soluvchi davlatlararo munosabatlar asoslarini buzgan holda tutmoqda, yaxshi qo‘shnichilik tamoyillariga amal qilmayapti hamda davlatlar suvereniteti va ularning ichki ishlariga aralashmaslik tamoyillarini hurmat qilmayapti. Bu tamoyillarga to‘liq amal qilinmas ekan, mintaqada barqarorlik bo‘lmasligini tasdiqlaymiz”, deb aytgan As Saboh.

Kengashga kiruvchi 6 ta davlat vakillari 5 dekabrda Kuvaytda har yillik an'anaviy sammitga mintaqadagi dolzarb muammolarni muhokama qilgani yig‘ilishdi. Sammit 6 dekabrda yakun topadi.