Xitoydagi yong‘in Osiyodagi eng baland yog‘och ibodatxonani kulga aylantirdi 

Xitoyning Sichuan viloyatidagi yong‘in Osiyodagi eng baland yog‘och pagodani (ibodatxona) butkul vayron qildi. Bu haqda CGTN telekanali xabar berdi. 

“Osiyoda o‘z turidagi eng baland hisoblangan, 16 qavatli yog‘och minora yakshanba kuni yonib ketib, butkul vayron bo‘ldi”, deyilgan xabarda 

Qurbonlar yoki jabrlanganlar haqida hech qanday ma'lumot berilmagan. Yong‘in sababi noma'lumligicha qolmoqda, tergovchilar buni aniqlash bilan shug‘ullanishmoqda.

South China Morning Post nashrining qo‘shimcha qilishicha, yong‘inni o‘chirishga 4 soat ketgan. Yong‘in shuningdek ibodatlar uchun mo‘ljallangan yana bir ikki qavatli inshootni yo‘q qilgan.