Buenos-Ayresda tartibsizliklar, 81 kishi jabrlandi (Video)

Argentina poytaxti Buenos-Ayresda politsiyachilarning norozilik namoyishi qatnashchilari bilan to‘qnashuvi natijasida 81 kishi jabrlandi.

Bu haqda Noticias Sin xabar bermoqda.

Ta'kidlanishicha, jarohat olganlarning umumiy sonidan 48 nafari politsiyachi, 33 nafari esa – oddiy fuqarodir.

Nashrning, shuningdek, aniqlik kiritishicha, huquqni muhofaza qilish organlari norozilik namoyishlari davomida 48 kishini qo‘lga olishgan.

Avvalroq Argentina poytaxtida pensiya islohotiga qarshi o‘tkazilayotgan miting ommaviy tartibsizliklarga aylanib ketgani haqida xabarlar tarqalgandi.