Foto: O’zLiDeP
Barchaga yaxshi ma'lum-ki, 24 dekabr kuni Toshkent shahar xalq deputatlari tuman Kengashlariga saylov bo‘lib o‘tadi. Tadbirkorlar va ishbilarmonlar harakati – O‘zbekiston Liberal-demokratik partiyasi ham ana shu saylovlarda ishtirok etadi. Shu munosabat bilan partiyaning bir guruh faol a'zolari poytaxt ko‘chalarida targ‘ibot-tashviqot ishlarini olib bormoqda. Bu haqda partiya Axborot xizmati ma'lum qilgan.
Targ‘ibotchilar partiya bayrog‘i va shiorlari yozilgan bannerlarni poytaxtning barcha ko‘chalari va mahallalaridan olib o‘tishgan. Ovoz kuchaytirgich orqali “Tadbirkorlar va ishbilarmonlar harakati – O‘zbekiston Liberal-demokratik partiyasi nomzodlariga ovoz bering”, degan shior bilan fuqarolar targ‘ib etilgan.
