Zidan Ronaldu bilan bog‘liq vaziyatga izoh berdi

«Real» bosh murabbiyi Zinedin Zidan, «Barselona»ga qarshi «El-Klasiko»dan oldin, hujumchi Krishtianu Ronaldu bilan bog‘liq vaziyatga oydinlik kiritdi.

Ma'lumki, futbolchi faqat bugundan boshlab, umumiy guruh mashg‘ulotlariga qo‘shilgan, shu paytgacha, alohida mashq o‘tkazgandi. 

«Ronaldu haqida gapiradigan bo‘lsam, u o‘yinga 100 foiz tayyor. Jamoa ham yaxshi jismoniy holatda. Meni xavotirga solayotgan yagona narsa - futbolchilarimning qanday mehnat qilayotgani. 

Biz chempionatda peshqadamlik qilayotgan, juda kuchli raqibga qarshi o‘ynaymiz. Bu bahsda muhim uch ochko o‘ynaladi», — deb Zidan so‘zlarini keltirmoqda AS.