Зидан Роналду билан боғлиқ вазиятга изоҳ берди

«Реал» бош мураббийи Зинедин Зидан, «Барселона»га қарши «Эль-Класико»дан олдин, ҳужумчи Криштиану Роналду билан боғлиқ вазиятга ойдинлик киритди.

Маълумки, футболчи фақат бугундан бошлаб, умумий гуруҳ машғулотларига қўшилган, шу пайтгача, алоҳида машқ ўтказганди. 

«Роналду ҳақида гапирадиган бўлсам, у ўйинга 100 фоиз тайёр. Жамоа ҳам яхши жисмоний ҳолатда. Мени хавотирга солаётган ягона нарса - футболчиларимнинг қандай меҳнат қилаётгани. 

Биз чемпионатда пешқадамлик қилаётган, жуда кучли рақибга қарши ўйнаймиз. Бу баҳсда муҳим уч очко ўйналади», — деб Зидан сўзларини келтирмоқда AS.