Chilidagi sel qurbonlari soni 15 kishigacha oshdi

Chilining Vilya-Santa-Lusiya posyolkasida o‘tgan hafta oxirida yuz began sel oqibatida halok bo‘lganlar soni 15 kishigacha oshdi. Qutqaruvchilar yana bir jasadni topishgan. 7 kishi bedarak yo‘qolgan, deb hisoblanmoqda.

Fojia joyida qutqaruv ishlari davom etmoqda.

Chilining favqulodda vaziyatlar milliy boshqarmasining ma'lum qilishicha, mamlakat prezidenti Mishel Bachelet mutasaddi xizmatlarga 20 kun ichida posyolka aholisi qayerga ko‘chirib o‘tkazilishini hal qilish vazifasini topshirgan. Fojia yuz bergan hudud yashash uchun xavfli, deb topilgan.

300 kishi yashagan posyolka favqulodda yordam ko‘rsatishni ta'minlash uchun falokat hududi, deb e'lon qilingan.