Apple 5G tarmog‘ini qo‘llab-quvvatlovchi yangi iPhone X'ni tayyorlamoqda 

Amerikaning Apple korporatsiyasi 5G tarmog‘ini qo‘llab-quvvatlovchi yangi iPhone X flagman smartfonining modernizatsiya qilingan versiyasi ishlab chiqarilishi haqida ma'lum qildi. 

Mavjud ma'lumotlarga ko‘ra, gadjyetning qolgan barcha funksiyalari, shu jumladan ikki kamera, yuz skaneri va hoshiyasiz displey iPhone X'ning yangi variantida ham qoladi. 

Rejaga ko‘ra, yangi versiyadagi iPhone sinovlariga tez orada start beriladi. Apple ishlab chiqaruvchilari flagmanning dasturiy ta'minotini 5G tarmog‘iga moslashtirishlari kerak. Ma'lumki, Apple ularda Intel korporatsiyasining maxsus modemidan foydalanadi. Yangi iPhone X smartfonining jahon bozoriga chiqish sanasi hozircha noma'lumligicha qolmoqda. 

Dastlabki ma'lumotlarga ko‘ra, ilk 5G tarmoqlari butun dunyoda 2019 yilda paydo bo‘lishi kutilmoqda. Ushbu tarmoqning keng targ‘iboti 2022 yilga mo‘ljallangan.