O‘zbekistonda Rossiya ichki ishlar vazirligi vakolatxonasi ochildi
O‘zbekistonda migratsiya sohasidagi kelishuvni amalga oshirish doirasida Rossiya ichki ishlar vazirligi vakolatxonasi ochildi. Bu haqda O‘zbekiston Bandlik va mehnat munosabatlari vazirining birinchi o‘rinbosari Erkin Muhitdinov ma'lum qildi.
“Kuni-kecha Rossiya ichki ishlar vazirligining Toshkentda vakolatxonasi ochildi. Bu hamkorligimizni amalga oshirishdagi muhim qadamdir. Umid qilamizki, bizning vakolatxonamiz ham yaqin orada Rossiyada ochiladi”, deb aytgan Muhitdinov O‘zbekistonga tashrif bilan kelgan Rostrud delegatsiyasi bilan uchrashuvda.
O‘zbekiston tomondan kelishuv doirasida Bandlik va mehnat munosabatlari vazirligi va Ichki ishlar vazirligi mas'ul organlar etib belgilangan.
21 dekabrda Rossiya hududida vaqtinchalik mehnat faoliyatini amalga oshirish uchun O‘zbekiston fuqarolarining tartibli qabuli va jalb etilishi haqidagi kelishuv kuchga kirdi. Hujjat o‘zbekistonliklarning Rossiyada manzilli ish bilan ta'minlanishiga qaratilgan.
Rossiya ichki ishlar vazirligi ma'lumotlariga ko‘ra, Rossiyadagi o‘zbekistonliklar jami muhojirlarning 10 foizini, ya'ni bir millionga yaqinni tashkil qiladi. Ularga Rossiyada berilgan mehnat patentlarining taxminan yarmi (765,8 ming) to‘g‘ri keladi.
Mavzuga oid
21:00 / 07.10.2024
Ramzon Qodirov migratsiya siyosatida «o‘rta asr yondashuvlaridan» voz kechishga chaqirdi
20:07 / 07.10.2024
Rossiyada sakkiz nafar general lavozimdan olindi - OAV
20:51 / 04.10.2024
Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
18:42 / 04.10.2024