Tramp 2020 yilgi saylovlarda nega g‘alaba qozonishi kerakligini aytdi

AQSh prezidenti Donald Tramp Qo‘shma Shtatlarda 2020 yilgi prezidentlik saylovlarini nega yutishi kerakligini tushuntirib berdi.

«Men yana to‘rt yilni yutib olishni mo‘ljallayotganimga yana bir sabab shundaki, gazetalar, televideniye, medianing barcha shakllari agarda men bo‘lmasam, muvaffaqiyatsizlikka uchraydi, sababi ularning reytinglari mensiz nolga tushib ketadi», - deya Trampning so‘zlarini keltiradi The New York Times.

Trampning ta'kidlashicha, OAV unga g‘alaba qozonish uchun imkoniyat berishi kerak.

«Umuman olganda, ehtimol, saylovlarga olti oy qolganida ular meni yaxshi ko‘rib qoladi va shunday deydi: «Iltimos, iltimos, Donald Trampni yo‘qotmanglar», - deya qo‘shimcha qilib o‘tdi AQSh rahbari.