Трамп 2020 йилги сайловларда нега ғалаба қозониши кераклигини айтди

Фото: AP

АҚШ президенти Дональд Трамп Қўшма Штатларда 2020 йилги президентлик сайловларини нега ютиши кераклигини тушунтириб берди.

«Мен яна тўрт йилни ютиб олишни мўлжаллаётганимга яна бир сабаб шундаки, газеталар, телевидение, медианинг барча шакллари агарда мен бўлмасам, муваффақиятсизликка учрайди, сабаби уларнинг рейтинглари менсиз нолга тушиб кетади», - дея Трампнинг сўзларини келтиради The New York Times.

Трампнинг таъкидлашича, ОАВ унга ғалаба қозониш учун имконият бериши керак.

«Умуман олганда, эҳтимол, сайловларга олти ой қолганида улар мени яхши кўриб қолади ва шундай дейди: «Илтимос, илтимос, Дональд Трампни йўқотманглар», - дея қўшимча қилиб ўтди АҚШ раҳбари.