AQSh Suriya yaxlitligi saqlanib qolishi istagida ekanligini ma'lum qildi

AQSh Suriyani bir nechta davlatga bo‘lish istagidamas, deb aytdi AQSh mudofaa vaziri Jyeyms Mettis.

Mettis jurnalistlar bilan suhbatda AQSh Suriya hukumati nazoratida bo‘lmagan hududlarni jangarilardan ozod qilish bo‘yicha harakatlarni faollashtirish istagida ekanligini ma'lum qildi.

Mettisdan “Bu Suriyani bo‘laklash rejalari borligidan darak beradimi?” deb so‘ralganda, “Yo‘q”, deb javob qaytardi. Uning aytishicha, “hech narsa o‘zgarmagan, AQSh hamon IShIDni ta'qib qilmoqda”.

Avvalroq Mettis AQSh Suriyada nazoratida bo‘lgan hududlarda o‘z diplomatlari sonini oshirishini aytgandi. Bundan tashqari, AQSh qo‘shinlari Iroq va Suriyada terrorchilar ushlab turgan hududlarni bosib olishdan barqarorlik o‘rnatishga o‘tadi.