«Arsenal» oxirgi daqiqada g‘alabani boy berdi

«Arsenal» Angliya chempionatining 21-turida «Vest Bromvich Albion»ga qarshi kechgan uchrashuvda g‘alaba qozona olmadi. Vest Bromvichdagi «Houtorns» stadionida kechgan uchrashuvda 1:1 hisobi qayd etildi.

O‘yinning 83-daqiqasida Aleksis Sanchesning jarima zarbasidan keyin to‘p Jyeyms Makklinga tekkan holda darvoza to‘riga borib tushdi. 89-daqiqada Jyey Rodriges penaltidan hisobni tenglashtirdi.

«Qorayaloqlar» jamoasi bu natijadan keyin Angliya chempionatidagi g‘alabasiz seriyasini 19 uchrashuvga yetkazdi. Jamoa oxirgi marta 19 avgust kuni «Byornli»ni safarda yenggandi (1:0).

«Arsenal» 38 ochko bilan turnir jadvalida beshinchi o‘rinda. «Vest Bromvich Albion», 16 ochkosi bilan 19-pog‘onada joylashgan.

Angliya chempionati
21-tur
Vest Bromvich – Arsenal 1:1 (0:0, 1:1)
Gollar: 0:1 – 83, avtogol Makkleyn, 1:1 – 89, penalti Rodriges.
Vest Bromvich – Foster, Xegazi, Gibbs, Douson, Evans, Berri, Livermor, Brant (Kryxovyak, 72), Fillips (Makkleyn, 72), Robson-Kanu (Nom, 75), Rodriges.
Arsenal – Chex, Chembers, Mustafi, Kolashinats (Meytlend-Naylz, 37), Koselni (Mertesaker, 72), Ivobi (Uelbek, 74), Chaka, Sanches, Uilsher, Bellerin, Lyakazett.
Ogohlantirishlar: Evans (34), Mustafi (58), Brant (59), Douson (82), Uilsher (88), Chex (90).