Foto: Andijondagi shoh ko‘chadan panjaralar olib tashlandi 

Navoiy shoh ko‘chasi (prospekt) Andijon shahrining asosiy ko‘chalaridan biri. Bundan ikki yil oldin transport serqatnov bo‘lgan yo‘lning o‘rtasiga panjaralar o‘rnatilgan edi.

Endilikda haydovchilar va aholi uchun mazkur temir to‘siqlar noqulaylik tug‘dirayotgani tufayli  ko‘chadagi barcha panjaralar olib tashlandi.

Panjaralar baland va qalin to‘siqlardan iborat bo‘lgani yo‘l harakati hodisalariga sabab bo‘layotgandi.

Shahar hokimligi mutasaddilarining so‘zlariga ko‘ra, endilikda piyodalarning xavfsizligini ta'minlash uchun ko‘chaning ikki qismidagi trotuar va yo‘l chegarasiga so‘nggi shaharsozlik me'yorlaridagi panjaralar o‘rnatiladi.