2017 yilda Xitoyda partiya intizomining turli qoidabuzarliklari va korrupsiya uchun 159 mingdan ko‘proq odam jazolandi. Bunday ma'lumotni Xitoy Kommunistik partiyasining intizomni tekshirish markaziy komissiyasi 7 yanvarda ma'lum qildi.
Bu kishilar 122,1 mingta ish bo‘yicha o‘tganlar. Ushbu ishlardan 48,7 mingtasi nochorlikka qarshi kurash dasturlari va loyihalarini amalga oshirishdagi qoidabuzarliklar bilan bog‘langan. Ma'lum qilinishicha, yanvardan noyabrgacha 61 ming amaldor axloq bo‘yicha partiya kodeksini buzganlik uchun jazolangan. 2017 yilda komissiya korrupsiya va partiya intizomini buzganlik bilan bog‘liq 670 ish bo‘yicha hisobotni keng jamoatchilikka taqdim qilgan.
Oxirgi yillar Xitoy huquq-tartibot idoralari xorijga qochib ketgan korrupsiyachilarni ortga qaytarish bo‘yicha faol ish olib bormoqdalar. 2017 yilda Xitoyga korrupsiya ishlari bo‘yicha o‘tayotgan 1,3 mingga yaqin kishi, jumladan partiya va davlat apparatining 347 a'zosi va amaldorlari qaytarilgan. Ular orasida xorijda yashirinayotgan 100 nafar eng qidiriluvchi korrupsiyachilardan 14 nafari bo‘lgan. Bu sa'y-harakatlar natijasida o‘tgan yili Xitoy g‘aznasiga 980 mln yuan (151 mln dollar) mablag‘ qaytarilgan.
