Омбудсманнинг жазони ижро этиш фаолиятини мониторинг қилишга доир ваколатлари кенгайтирилади
08:40 / 10.01.2018
4656

Ўзбекистон Республикаси Олий Мажлисининг Инсон ҳуқуқлари бўйича вакили (омбудсман)нинг жазони ижро этиш фаолиятини мониторинг қилиш борасидаги ваколатларини янада кенгайтирилади. Бу ҳақда «Фаол тадбиркорлик, инновацион ғоялар ва технологияларни қўллаб-қувватлаш йили» давлат дастури лойиҳасида маълум қилинган.

2018 йил 1 майга қадар ишлаб чиқиладиган бу борадаги тегишли қонун лойиҳаси устида Омбудсман, Олий Мажлис Қонунчилик палатаси (келишув асосида), Бош прокуратура, Адлия вазирлиги, ИИВ, АҚҲМИ, Инсон ҳуқуқлари бўйича миллий марказ иш олиб боради. 

Давлат дастури лойиҳасида таъкидланишича, ушбу қонун лойиҳасида Олий Мажлиснинг Инсон ҳуқуқлари бўйича вакили (омбудсман)нинг қамоқда сақланаётган ва жазони ўташ жойларида бўлган шахсларнинг яшаш шароитларини мониторинг қилиш бўйича ваколатларини кенгайтириш назарда тутилади.


Улашинг
Top