«Qo‘lansa davlatlardan kelgan migrantlar». Tramp o‘ta keskin fikr bildirgan

AQSh prezidenti Donald Tramp qonun chiqaruvchilar bilan uchrashuv davomida ba'zi mamlakatlardan Qo‘shma Shtatlarga kelayotgan migrantlarni «qo‘lansa joydan» chiqib kelganlar, deb atagan. Bu haqda The Washington Post vaziyatdan xabardor ikki nafar manbaga tayangan holda ma'lum qilmoqda.

«Nega bizning mamlakatda o‘zining qo‘lansa davlatlaridan chiqib kelayotgan bu odamlar bor?» - degan Tramp. Taxminlarga ko‘ra, u Afrika mamlakatlari hamda Haitidan bo‘lgan migrantlarni nazarda tutgan.

Uning so‘zlariga ko‘ra, AQSh Norvegiya kabi davlatlardan odamlarni jalb qilishi kerak.

Eslatib o‘tamiz, avvalroq Tramp Kim Chen In bilan munosabatlari bo‘yicha kutilmagan bayonot bergani xabar qilingandi.