Yyerri Mina tanishtiruv marosimiga oyoqyalang chiqdi

«Barselona» klubi kolumbiyalik himoyachi Yyerri Mina tanishtiruv marosimini o‘tkazdi.

23 yoshli futbolchi klub bilan rasman shartnoma imzoladi va «Kamp Nou»ga, muxlislar oldiga chiqdi. Qizig‘i shundaki, u maydonga tushishdan oldin butsalarini yechib tashladi.

Eslatib o‘tamiz, Mina kataloniyaliklar bilan 2023 yilgacha mo‘ljallangan shartnoma imzoladi. Uning transferi 11,8 million yevroni tashkil qildi.