Трамп Эронни “террорчиликнинг бош ҳомийси” деб атади 
10:10 / 13.01.2018
5592
Фото: Getty images

АҚШ президенти Дональд Трамп Эронни “террорчиликнинг бош ҳомийси” деб атади ва уни “террорчилик гуруҳлари”, жумладан “Ҳизбуллоҳ” ва ҲАМАСни  қўллаб-қувватлашда айблади.

“Эрон тузуми террорчиликни молиялаштирувчи бош давлат ҳисобланади. Унинг бу хатти-ҳаракатлари “Ҳизбуллоҳ”, ҲАМАС ва бошқа террорчиларга алғов-далғовлик уруғини сочишга ва бегуноҳ одамларни ўлдиришга имкон беради”,  деб айтилган Трамп баёнотида.

Трампнинг айтишича, Эрон “бутун Яқин Шарқ бўйлаб вайронгарликлар амалга ошириш учун 100 мингдан кўпроқ террорчини молиялаштирган, қуроллантирган ва тайёрлаган”. 

Бироқ Трамп Эрон билан “ядровий келишув” доирасида Эрондан санкциялар олиниши режими узайтирилишига қарор қилди.

“Президент қарори АҚШнинг Эрон билан қўшма ҳаракатлар дастурида қолиши учун талаб қилинадиган “ядровий” санкцияларни бекор қилишни яна бир марта узайтиришдан иборат. Бироқ президент ўзининг баёнотида у бундай узайтиришни охирги марта имзолаётганини айтган”, дейилган Оқ уй маъмуриятида.


Улашинг
Top