Yaponiya qirg‘oqlarida 7 kishining jasadi topildi, ular KXDR fuqarolari bo‘lishi mumkin

Yaponiyaning Kanadzava shahri qirg‘oqlari yaqinida baliqchilar qayig‘i topildi, uning ichida yetti nafar noma'lum shaxsning jasadi bo‘lgan. Taxminlarga ko‘ra, ular Shimoliy Koreya fuqarolaridir. Bu haqda «Kiodo» agentligi politsiyaga tayangan holda xabar bermoqda.

Agentlik ma'lumotlariga ko‘ra, halok bo‘lgan shaxslarning tanasida hech qanday jarohat izlari topilmagan.

Ekspertlar ekipaj halokatiga nima sabab bo‘lganini jasadlarni yorib ko‘rish orqali aniqlash niyatida.

Avvalroq, Yaponiya qirg‘oqlari yaqinida uch kishining, taxminlarga ko‘ra, Shimoliy Koreya fuqarolarining jasadi topilgani ma'lum bo‘lgandi.