Ferrari yo‘ltanlamas ishlab chiqaradi  

Ferrari kompaniyasi yo‘ltanlamas ishlab chiqarishga qaror qildi. Bu haqda Detroyt avtosaloni doirasida Fiat Chrysler Automobiles alyansi rahbari Serjio Markionne ma'lum qildi.  

“U Ferrari yo‘ltanlamasi kabi bo‘ladi va shu bilan birga Ferrari kabi boshqarilishi kerak”, deb aytgan Markionne. Uning aytishicha, bu mashina o‘z sinfida eng tezkori bo‘ladi. Hozir bu nom Lamborghini Urus’ga tegishli bo‘lsa-da, Markionne asosiy raqobatchisi sifatida Alfa Romeo Stelvio Quadrifoglio’ga ishora qildi.

650 ot kuchiga ega Lamborghini yo‘ltanlamasi 100 km/soat tezlikka 3,6 soniyada erishadi, maksimal tezligi 305 km/soatga yetadi. 510 ot kuchiga ega Stelvio Quadrifoglio esa 100 km/soat tezlikka 3,8 soniyada erishadi, maksimal tezligi 285 km/soatga yetadi.

Dastlabki ma'lumotlarga ko‘ra, Ferrari yo‘ltanlamasi GTC4 Lusso modeli bazasida quriladi, to‘liq privod va yurishga qarshi yo‘nalishda ochiluvchi eshiklar bilan jihozlanadi. Mashina 8 silindrli dvigatel yoki hattoki gibrid kuch qurilmasi olishi mumkin.

Yangi mashina 2019 yil oxiri-2020 yil boshida sotuvda paydo bo‘ladi.