O‘zbekiston - Yaponiya uchrashuvi Aqto‘be fojiasi sabab bir daqiqalik sukut bilan boshlanadi

Xabaringiz bor, kecha 18 yanvar kuni Qozog‘istonning Aqto‘be viloyati Irgiz tumanida fojia ro‘y berdi. 

O‘FF rasmiy sayti bergan xabarga ko‘ra, halok bo‘lganlarning xotirasini yod etish uchun bugun 23 yoshgacha bo‘lgan futbolchilar o‘rtasidagi Osiyo chempionatidan o‘rin olgan O‘zbekiston va Yaponiya terma jamoalari ishtirokidagi chorak final uchrashuvi boshlanishidan avval bir daqiqalik sukut saqlanadi. 

Ma'lumot uchun, Rossiyaga ketayotgan avtobusda yong‘in chiqishi natijasida 52 kishi halok bo‘ldi va 5 kishi jabrlandi. Halok bo‘lganlarning bari o‘zbekistonlik bo‘lgan. Hodisa joyiga O‘zbekiston Prezidenti Shavkat Mirziyoyev topshirig‘iga ko‘ra tuzilgan maxsus hukumat komissiyasi a'zolari yo‘l olgan bo‘lib, fojyea sabablari o‘rganilmoqda.